Abteilungs So-La 2025

Lagerblock 12. Juli

Hüt hemmers Hoi Zemme am halbi 9i am morge bim St. Georgen kah. Zum Ihstig hemmer grad es Tiai ai gmacht. Nachher het sich en Minion vorgstellt und denn hemmer üs au scho uf de Weg gmacht zu sinere Minion Villa. Nach ere lange Reis simmer endlich acho und hend üse Zmittag chöne gnüsse. Nach em Zmittag simmer alli zemme cho und hend Kennelernspieli gspielt. Denn isch isch au endlich mal s Zelt ufstelle zur Ziit cho und s ihpuffe. Natürlich dörf de Lagerpackt au nöd fehle, demit au nüt schief lauft. Irgendwenn isch de Minion wieder cho und het üs gseit, dass mer die heilig Banane sötet ahbete. Bi dem Gebätt hets au no anderi Minions kah wo sich vorgstellt hend. Nach dem Gebätt hets endlich de Znacht geh: Spätzli und Ratatouille. „Mhhhh feinnnn!“

Nach em Znacht hend mir zemme de Abig am Füür verbracht und en Singsong gmacht.

Es grosses Dankeschön ad Mietauto AG für d Hilf vom Materialtransport. https://www.mietauto.ch/

Mir sind am Morge vo de früehufstehende Chind gweckt worde. Den hets en feine Zmorge geh. Nach em Zmorge hend d Minions mit schrecke festgstellt das die heiligi Banane gstohle worde isch. Zum eus erhole hend mir en Pfaditechnik Postelauf gmacht gha, wo mir verschiedeni Themene wie Ersti-Hilf oder Seiltechnik agluegt hend. Als Stärchig zum Zmittag hets feini Bratherdöpfel geh. 

Am Namittag hend mir eusi Energie bimene Pfadi Ruechblock uselah. Nachdem hend mir eus im Gländ rund um d Minionsvilla orientiert idem mir en OL mit verschiedene Pöste absolviert hend. Am Schluss hets e Rangverkündigung geh. Nachdem sind d Tschugger zu eus cho und hend verschiedeni Verdächtigi Persone vorgstellt. Zu jedere Person gits bereits es Motiv. Zum Znacht hets Lasagne geh.

Nach em Esse hend mir mit de Minions zemme en Spieliabig gmacht. Vo de Chuchi hets no en mega feine Drink geh. 

Als ersts hets en guete Zmorge als Stärchig geh. De Morge isch leider regnerisch gsi jedoch hend mir trotzdem mit em " Maximilian von und zu Schönenberg" es Gländgame gspielt damit mir sini Unschuld hend chöne bewiese. Mit em erspielte Geld het jedi Gruppe Esse ersteigeret und feini Fajitas gmacht. Am Namittag hend mir i de verschiedene Stufene Pfadisache glernt wo mir am endi vo de Wuche e Prüefig drüber hend und es Abzeiche chönd becho. Nachdem hend d Pfadis und Pios chöne dusche.

D Wölflis hend i dere Zit Challanges gmacht. Vorem Esse hets es Gricht geh wo mir meh über de Maximilian hend welle usefinde. Den hets au scho wieder Znacht geh.  

Nach em Zmorge hend d Pfadis und d Wölflis verschiedeni Aktivitäte gha. D Wölflis hend en Spielblock gha d Pfadis en Sportblock. D Pfadis hend e spannendi Verfolgigsjagt gha. Vor em Mittag hend mir no s Pfadiverspräche vorbereitet. Nach em Mittag hets e Grichtsverhandlig geh mit em Partymarty. Es het Fresspäckli geh. Am Namittag hets en Atelierblock mit verschiedene Pöste geh wie zB. e Seilbahn oder au Bastle. Vor em Znacht hend alli zemme no en Sportblock gha.

Nach em Zmorge hend d Pfadis am Spezabzeiche witer gmacht. D Wölflis hend für de Jungwolf und Sternwolf güebt damit alli ready sind fürd Prüefig. Nach de Ämdli hemmer Freiziit gha. Später hend d‘Wölfli und Pfadis Fangis, Fläschefuessball, Baumstamzieh und no e Mähl staffete gspielt. Währed dem hend Pios en Spez block gha. Zum zviere hets en Geburtstags Chueche für de Spirou und de rest ghä. Denn sind de Igor und de Huusminoin no zum hold Banane Diebstahl befrögt worde. Nacher hemmer no me Freiziit gha und zum Znacht hets feini Älplermagoroni ghä. Nachher isch den au scho Ämdli ziit gsi. Nach em Znacht hets en Singsong geh.

Am Nachmittag machten die Wölfli, wolf Prüfungen und die Pfadis machten die spetzprüfungen. Die Prüfungen verliefen grösstenteils super. Sie hatten sich ja in den letzten Tagen gut darauf vorbereitet. Die Küche konnte mit viel Hilfe von Pfadis und Pios Burger zubereiten und auch einen sehr leckeren dessert.